Payí̵ Juto eaŋí̵narɨnɨ.

Payí̵ rɨna ámá Jisasoyá sɨyikí̵ imónɨgí̵áyí̵ nánɨ Juto eaŋí̵narɨnɨ. Xewanɨŋo nánɨ áwaŋí̵ sɨŋánɨ mɨrɨnɨŋí̵ eŋagɨ aí Jisasomɨ xogwáo Jutoyɨ rɨnɨŋo (Mako 6:3) “Ayí̵ axorí̵anɨ?” yaiwiarɨŋwárɨnɨ. Jisaso rɨxa aŋí̵namɨ nɨpeyimáná xwiogwí̵ aga obaxí̵ nɨpwe'máná eŋáná “Mimóní̵ ure'wapɨyarɨgí̵áyí̵ Jisasomɨ dɨŋí̵ wɨkwí̵roarɨgí̵áyo xeŋwí̵mɨnɨ wipemí̵oarɨŋoɨ.” rɨnarɨŋagɨ Juto arí̵á nɨwirɨ ayí̵ arí̵á nɨwiro nɨxí̵dɨróná sɨpí imónɨpí̵rɨxɨnɨrɨ e'í̵ uremómɨnɨrɨ nɨrɨrɨ eaŋɨnigɨnɨ.

Jude

1Jutonɨ —Nionɨ Jisasɨ Kiraisomɨ xɨnáíní̵nɨŋí̵ nimónɨrɨ omɨŋí̵ wiiarɨŋá wonɨrɨnɨ. Jemisomɨ xexɨrí̵meáonɨrɨnɨ. Nionɨ payí̵ rɨna seyí̵ne' nánɨ —Seyí̵ne' ápo Gorɨxo nionɨyáyí̵ imóní̵í̵rɨxɨnɨrɨ we'yo í̵á seaumɨrɨrɨ dɨŋí̵ sɨxí̵ seayirɨ xewaxo Jisasɨ Kiraiso nánɨ awí seameŋweairɨ seaiŋí̵yí̵ne'rɨnɨ. Seyí̵ne' nánɨ nɨrɨrɨ payí̵ rɨna eaarɨŋɨnɨ. 2“Gorɨxo wá seawianɨrɨ nɨwayɨrónɨro píránɨŋí̵ ŋweapí̵rɨ nánɨ seaiirɨ sewanɨŋí̵yí̵ne' enɨ xɨxe dɨŋí̵ sɨpí inɨpí̵rɨ nánɨ seaiirɨ nerí̵ná ayá wí seaiíwɨnɨgɨnɨ.” nimónarɨnɨ.

“Jisaso tí̵nɨ nawínɨ mimónɨgí̵áyí̵ seyí̵ne' tí̵nɨyumí̵í gwiaumí̵ inarɨŋoɨ.” urɨŋí̵ nánɨrɨnɨ.

3Gí̵ dɨŋí̵ sɨxí̵ seayiŋáyí̵ne', Gorɨxo seyí̵ne' tí̵nɨ nene tí̵nɨ yeáyí̵ neayimɨxemeaní̵á nánɨ eŋí̵pɨ nánɨ payí̵ wɨna nearɨ seawáre'napɨyimɨnɨrɨ eŋá aiwɨ agwɨ nionɨ “Payí̵ eŋí̵ rɨre'mɨxí̵ re nɨseairɨ oeámɨnɨ,” nimónɨgoɨ, “‘Xwɨyí̵á nene dɨŋí̵ wɨkwí̵roarɨŋwápɨ —Apɨ ámá marí̵áɨ, Gorɨxo nawínánɨ neaiapɨŋí̵ eŋagɨ nánɨ gí̵wí̵ nímɨxɨrɨ mɨrɨpaxí̵pɨrɨnɨ. Apɨ ámá wí ikweakwí̵mí̵ ranɨro yarɨŋagí̵a nɨwɨnɨróná xe oe'poyɨnɨrɨ sɨŋwí̵ mɨwɨnɨpa e'í̵rɨxɨnɨ. Eŋí̵ neánɨro pí̵rí̵ wiaíkianɨro e'í̵rɨxɨnɨ.’ Eŋí̵ rɨre'mɨxí̵ e nɨseairɨ oeámɨnɨ.” nimóní̵agɨ eaarɨŋɨnɨ. 4Ayí̵ rɨpɨ nánɨ eŋí̵ rɨre'mɨxí̵ e nɨseairɨ seararɨŋɨnɨ. Jisasoyá sɨyikí̵ imónɨgí̵áyí̵ne' maiwí ŋweaŋáná ámá wí —Ayí̵ Gorɨxomɨ rí̵wí̵ umoarɨgí̵áyí̵rɨnɨ. Eŋíná dánɨ “Sí̵á yoparí̵yi Gorɨxo xwɨyí̵á umeárɨní̵árɨnɨ.” rɨnárɨŋí̵yí̵rɨnɨ. Ayí̵ yumí̵í seyí̵ne' tí̵nɨ nawínɨ imónɨro í̵wí̵ niga oemeaneyɨnɨro xwɨyí̵á nepa re rɨnɨŋí̵pɨ, “Pí pí í̵wí̵ ámae'ne yarɨŋwápɨ Gorɨxo ananɨ ayá nɨnearɨmɨxɨrɨ yokwarɨmí̵ neaiipaxí̵rɨnɨ.” rɨnɨŋí̵pɨ wigí̵ dɨŋí̵ tí̵nɨ ikweakwí̵mí̵ rɨro “Jisasɨ Kiraisonɨ negí̵ Ámɨná ínɨmɨ wurí̵nɨŋwáomanɨ.” rɨro yarɨgí̵á eŋagɨ nánɨ eŋí̵ rɨre'mɨxí̵ e seaiarɨŋɨnɨ.

5Ámɨná Gorɨxo eŋíná dánɨ maŋí̵ pí̵rí̵ wiaíkigí̵áyo pɨrí̵ numamóa bɨŋí̵pɨ nánɨ seyí̵ne' rɨxa xɨxenɨ nɨjí̵á imónɨŋagí̵a aiwɨ ámɨ dɨŋí̵ mopí̵rɨ nánɨ dirɨrí̵ rɨpɨ oseaimɨnɨ. O negí̵ Isɨrerɨyo Isipɨyí̵ aŋí̵yo dánɨ e'í̵ numínɨrɨ nipemeámɨ nurɨ aí ámá xí̵omɨ dɨŋí̵ mɨwɨkwí̵ró “Xwí̵á Gorɨxo neaiapɨmɨnɨrɨ yarɨŋí̵pɨ oyá dɨŋí̵ tí̵nɨ aí ámá e ŋweagí̵áyo nurápɨpaxenemanɨ.” yaiwigí̵áyo ámá dɨŋí̵ meaŋe dánɨ waní̵nɨmɨxɨŋɨnigɨnɨ. 6Aŋí̵nají̵ wí eŋíná dánɨ enɨ Gorɨxo nurí̵pearɨ xe e'í̵rɨxɨnɨrɨ sɨŋwí̵ wɨnɨŋí̵pɨ nánɨ re mɨyaiwí, “Apɨnɨ nerɨ nɨŋwearí̵ná ayí̵ naŋí̵rɨnɨ.” mɨyaiwí nɨwiaíkiro í̵wí̵ yanɨro nánɨ aŋí̵namɨ pí̵nɨ nɨwiárɨmɨ weapɨgí̵á eŋagɨ nánɨ o gwí̵ ainɨxí̵ marí̵kínɨpaxí̵ imónɨŋí̵rí tí̵nɨ nɨjirɨ sí̵á ámá nɨyonɨ mí ómómɨxɨmí̵ emí̵áyimɨ pɨrí̵ umamóɨmɨgɨnɨrɨ sí̵á yinárɨŋe ŋwɨrárɨŋɨnigɨnɨ. 7Eŋíná ámá Sodomɨ ŋweáyí̵ tí̵nɨ Gomora ŋweáyí̵ tí̵nɨ aŋí̵ apiau'mɨ axí̵ e ikwí̵rónɨŋí̵yo ŋweagí̵áyí̵ tí̵nɨ enɨ axí̵pɨ ayí̵nɨŋí̵ piaxí̵ weánɨpaxí̵ imónɨŋí̵pɨ nero Gorɨxo ámá nimɨxɨrí̵ná ayí̵ apɨ e'í̵rɨxɨnɨrɨ wipɨmónɨŋí̵pɨ me' ikweakwí̵mí̵ nero wigí̵ dɨŋí̵ tí̵nɨ í̵wí̵ sɨpí imónárɨŋí̵pɨ niga warɨŋagí̵a nánɨ nene sɨŋwepɨgí̵ neaiiní̵a nánɨ pɨrí̵ numamorí̵ná rí̵á ápiáwí̵ anɨŋí̵ íníná wearɨŋí̵pɨ nɨmamówáre'napɨrɨ ayo rí̵á nɨnɨrɨ pɨkiŋɨnigɨnɨ.

8Gorɨxo nene sɨŋwepɨgí̵ e neaiiŋí̵ eŋagɨ aiwɨ ayí̵ yagí̵ápa ámá yumí̵í seyí̵ne' tí̵nɨ nawínɨ imónɨgí̵áyí̵ axí̵pɨ nero wigí̵ sɨpí orɨŋá wɨnarɨgí̵ápɨ mimáyo nɨtɨnɨrɨŋí̵pimɨ dánɨ í̵wí̵ aga piaxí̵ ayá wí weánarɨŋí̵pɨ inɨro “Ámá womɨ ínɨmɨ wurí̵nɨpaxí̵ mɨneaimónarɨnɨ.” rɨro aŋí̵namɨ dáŋí̵ seáyɨmɨ imónɨgí̵áyo rɨperɨrí̵ umero yarɨgí̵árɨnɨ. 9E yarɨŋagí̵a aí aŋí̵nají̵ Maikoroyɨ rɨnɨŋo —O aŋí̵nají̵ nɨyonɨ seáyɨ e wimónɨŋorɨnɨ. O eŋíná obo tí̵nɨ Moseso pɨyomɨ go go meanɨrí̵enɨŋoɨnɨrɨ xwɨyí̵á xɨmɨxɨmí̵ ninɨri nɨrɨnɨrí̵ná o aŋí̵nají̵ seáyɨ e imónɨŋí̵ wo eŋagɨ aiwɨ ayá nepeárɨmáná “Niɨwanɨŋonɨ eŋí̵ eánɨŋáonɨ ananɨ obomɨ xwɨyí̵á rí̵á tí̵ŋí̵ umearɨpaxonɨrɨnɨ.” mɨyaiwí “Gorɨxo xewanɨŋonɨ mɨxí̵ rɨrí̵wɨnɨgɨnɨ.” urɨŋɨnigɨnɨ. 10Ayá nepeárɨmáná murɨŋí̵ eŋagɨ aí ámá yumí̵í seyí̵ne' tí̵nɨ nawínɨ imónɨgí̵áyí̵ amɨpí wiwanɨŋí̵yí̵ mají̵á imónɨgí̵ápɨ nánɨ ananɨ ikayí̵wí̵ meararɨgí̵árɨnɨ. E nerɨ aí wigí̵ nɨjí̵á imónɨgí̵ápɨ naŋwí̵yí̵ —Ayí̵ dɨŋí̵ rí̵á xeyánɨŋí̵yí̵rɨnɨ. Naŋwí̵yí̵ dɨŋí̵ meŋwɨpepa nerɨ nɨjí̵á ámá imónarɨgí̵ápɨ marí̵áɨ, xegí̵ bɨ imónarɨŋí̵pa ámá ayí̵ enɨ axí̵pɨnɨ nero wigí̵ nɨjí̵á apɨ imónarɨgí̵árɨnɨ. Apimɨ dánɨnɨ wiwanɨŋí̵yí̵ xwɨrí̵á ikɨxenarɨgí̵árɨnɨ. 11Sí̵á wɨyi ayí̵ mají̵á wórɨní̵á eŋagɨ nánɨ awe! Ayí̵ eŋíná Keno “Nionɨ Gorɨxomɨ ananɨ ínɨmɨ owurí̵nɨmɨnɨ.” mɨyaiwí nerí̵ná eŋí̵pa axí̵pɨ yarɨgí̵árɨnɨ. Eŋíná ámá Beramoyɨ rɨnɨŋo —O “Nɨgwí̵ nionɨ bɨ mɨnɨmu'ropa oenɨ.” yaiwiagorɨnɨ. O “Ámá wí nɨgwí̵ niapáná pí pí nɨrí̵ápɨ nionɨ wí mɨmu'ró nemí̵ɨnɨ.” nɨyaiwirí̵ná xewanɨŋo yapí̵ ne'wapí̵nɨrɨ yagí̵pa ayí̵ enɨ axí̵pɨ oyaneyɨnɨro nánɨ sɨnɨ me' igwí̵á urí̵rɨnarɨgí̵árɨnɨ. Eŋíná ámá Koraoyɨ rɨnɨŋoyáyí̵ ámá Gorɨxo rí̵peaŋowamɨ arí̵á mɨwí nero urakínanɨro yarɨŋagí̵a nánɨ aní̵nɨmɨxɨŋí̵pa ayí̵ enɨ axí̵pí̵nɨŋí̵ e yarɨgí̵árɨnɨ. 12Ámá nionɨ seararɨŋáyí̵ pínɨŋí̵ imónɨgí̵áyí̵ marí̵áɨ, sa rɨpɨnɨ rɨpɨnɨ imónɨŋoɨ. Seyí̵ne' ámá gɨyí̵ gɨyí̵ sɨŋwí̵ nɨneanɨróná “Awí eánɨgí̵áyí̵ xɨxenɨ dɨŋí̵ sɨpí inarɨgí̵áyí̵rí̵anɨ?” oneaiaiwípoyɨnɨrɨ awí neánɨro aiwá narí̵ná ámá ayí̵ ipí akwɨní̵ánáɨ rɨwoŋáná ewe' sɨxí̵ nu'rorɨ xwɨrí̵á ikɨxenarɨŋí̵pa ámá ayí̵ axí̵pɨ e nimónɨro nánɨ xwɨrí̵á seaikɨxepaxí̵ imónɨŋoɨ. Ayí̵ seyí̵ne' tí̵nɨ nawínɨ aiwá nɨnɨróná Gorɨxo nánɨ wáyí̵ bɨ mɨwiní̵ wiwanɨŋí̵ nánɨnɨ dɨŋí̵ nɨmónɨro sa u'rapí yarɨŋagí̵a nánɨ seararɨŋɨnɨ. “Agwí̵ apɨ iniá eanɨ nánɨ irí̵rarɨnɨ.” yaiwiarí̵ná iniá meapa nerɨ imɨŋí̵ nerí̵ná agwí̵ nɨrɨraimɨ warɨŋí̵pa axí̵pɨ e imónɨgí̵áyí̵rɨnɨ. Ámá ayí̵ íkí̵á sogwí̵ ná wearɨŋíná aí anɨŋí̵ oxí̵ roarɨŋagɨ nánɨ nɨyoarɨ emɨ móáná urí̵ biau' eŋí̵pɨ imónɨŋí̵yí̵nɨŋí̵ imónɨŋoɨ. 13Rawɨrawá imeamí̵kwí̵ nerí̵ná reakí̵kwí̵í ŋwɨrárarɨŋí̵pa ámá ayí̵ wigí̵ piaxí̵ weánɨpaxí̵pɨ neróná axí̵pɨ apí̵nɨŋí̵ yarɨgí̵árɨnɨ. Ámá ayí̵ siŋí̵ aŋí̵ pɨrí̵yo nemerí̵ná ámá ewe'yo nɨmeámɨ nu'í̵asáná rawɨrawáyo áwɨnɨmɨ eŋáná xeŋwí̵mɨ nipemeámɨ warɨŋí̵pɨ yapɨ axí̵pɨ nɨseairo yapí̵ seaíwapɨyarɨgí̵árɨnɨ. Ayí̵ aga sí̵á yidoárɨŋí̵pimɨ anɨŋí̵ íníná ŋweapí̵rí̵a nánɨ Gorɨxo rɨxa wimɨxɨyiŋí̵yí̵rɨnɨ.

Jisaso tí̵nɨ nawínɨ mimónɨgí̵áyo Gorɨxo pɨrí̵ umamoní̵á nánɨrɨnɨ.

14Inoko —O Adamomɨ dánɨ nemeága nuro we' wí̵u'mɨ dáŋí̵ wau' emeánɨgí̵o, ayí̵ orɨnɨ. O ámáyo wí̵á nurókiamorí̵ná re rɨŋɨnigɨnɨ, “Arí̵á e'poyɨ. Orɨŋá nɨwɨnɨrí̵ná wɨní̵ɨnɨ. Ámɨnáo ámá ní̵nɨ wigí̵ egí̵ápɨ nánɨ xɨxenɨ pɨrí̵ umamómɨnɨrɨ nánɨ erɨ ámá xí̵o wimónarɨŋí̵pɨ mɨxí̵darɨgí̵áyo wigí̵ uyí̵nií̵ egí̵ápɨ nánɨ xwɨyí̵á umeárɨmɨnɨrɨ nánɨ erɨ ámá í̵wí̵ ayinɨ mɨyarɨgí̵áyí̵ xí̵o nánɨ ámáyo nurɨróná sɨpínɨ urekárarɨgí̵ápɨ nánɨ xwɨyí̵á umeárɨmɨnɨrɨ nánɨ erɨ enɨ nánɨ xegí̵ aŋí̵nají̵ dɨŋí̵ nɨmorɨ í̵á mɨropaxí̵ wí tí̵nɨ weaparɨŋagɨ wɨní̵ɨnɨ.” rɨŋɨnigɨnɨ. 16Ámá nionɨ seararɨŋáyí̵ anɨŋu'mí̵ ikaxí̵ rarɨgí̵áyí̵rɨnɨ. “Omeaaneyɨ.” nɨwimónɨrɨ we' eŋí̵ óí̵ winarɨŋí̵pɨnɨ nɨxí̵dɨro aiwɨ anɨŋí̵ miní̵ kínɨŋí̵ irɨnarɨgí̵áyí̵rɨnɨ. Wigí̵ yoí̵ wiwanɨŋí̵yí̵ nánɨ sí̵mí̵ sí̵mí̵ e tɨnɨmearɨgí̵áyí̵rɨnɨ. Ámáyá amɨpí í̵wí̵ urápaneyɨnɨro nɨremeá xwɨyí̵á urepɨsiarɨgí̵áyí̵rɨnɨ.

Dɨŋí̵ sí̵kí̵kí̵ oní̵í̵rɨxɨnɨrɨ urɨŋí̵ nánɨrɨnɨ.

17Gí̵ dɨŋí̵ sɨxí̵ seayiŋáyí̵ne', ayí̵ e imónɨŋagí̵a aí negí̵ Ámɨná Jisasɨ Kiraisoyá wáí̵ wurɨmeigí̵áwa xámɨ rɨgí̵á rɨpɨ nánɨ dɨŋí̵ oirónaneyɨ, “Sí̵á yoparí̵yi tí̵ŋíná aŋwɨ e eŋáná ámá wí re epí̵rí̵árɨnɨ. Seáyɨ e wimónɨgí̵áwamɨ ikayí̵wí̵ umearɨro amɨpí Gorɨxo mɨwimónarɨŋí̵pɨ xí̵dɨpí̵rɨ nánɨ we' eŋí̵ óí̵ ero epí̵rí̵áyí̵ imónɨpí̵rí̵árɨnɨ.” rɨgí̵ápɨ nánɨ dɨŋí̵ oirónaneyɨ. 19Ámá ayí̵ Jisasoyá sɨyikí̵ imónɨgí̵áyí̵ nawínɨ mimóní̵ xɨxegí̵nɨ oimóní̵poyɨnɨrɨ urakiowárɨro dɨŋí̵ rí̵á xeyánɨŋí̵nɨŋí̵ imónɨro kwíyí̵ Gorɨxoyápɨ mayí̵ imónɨro egí̵áyí̵rɨnɨ.

20Gí̵ dɨŋí̵ sɨxí̵ seayiŋáyí̵ne', ámá ayí̵ e imónɨŋagí̵a aí Jisasoyá sɨyikí̵ imónɨgí̵áyí̵ne' nepa imónɨŋí̵pɨ dɨŋí̵ nɨwɨkwí̵roróná sí̵kí̵kí̵ umɨxɨnɨro eŋí̵ eánɨŋí̵ kwíyí̵yápimɨ dánɨ Gorɨxomɨ rɨxɨŋí̵ urayiro 21o nene nánɨ dɨŋí̵ sɨpí nɨwirɨ neaiiŋí̵pɨ dɨŋí̵ sɨxí̵ anɨŋí̵ ínɨro dɨŋí̵ nɨyɨmɨŋí̵ Ámɨná Jisasɨ Kiraiso wá nene neaumɨxɨŋí̵pimɨ dánɨ imónaní̵wápɨ gínɨ gíná nímeaní̵árí̵anɨrɨ wenɨŋí̵ nero ŋwearo e'í̵rɨxɨnɨ. 22Ámá xwɨyí̵á Gorɨxo nánɨ rɨnɨŋí̵pɨ nánɨ ududí̵ ninɨro “Aga nepa imónɨŋí̵pɨranɨ? Yapí̵ imónɨŋí̵pɨranɨ?” yaiwiarɨgí̵áyo seyí̵ne' ayá urɨmɨxɨro 23ámɨ wínɨyo amɨpí wí rí̵á tí̵ŋí̵ e weŋáná apaxí̵ me' meaarɨŋwápa axí̵pɨ e'í̵ umínanɨro nánɨ ero ámɨ wínɨyo ayá nurɨmɨxɨrɨ aí seyí̵ne' rapɨrapí̵ pɨyaŋí̵ eaarɨŋí̵pɨ tí̵ŋí̵ e nánɨ wáyí̵ nero aŋwɨ e mupa yarɨgí̵ápa wigí̵ í̵wí̵ yarɨgí̵ápɨ nánɨ wáyí̵ ero e'í̵rɨxɨnɨ.

Gorɨxomɨ seáyɨ e numerí̵ná rɨŋí̵ nánɨrɨnɨ.

24Agwɨ Gorɨxo seyí̵ne' í̵wí̵ mepa e'í̵rɨxɨnɨrɨ pí̵rí̵ searakipaxí̵ imónɨrɨ rí̵wí̵yo seyí̵ne' xewanɨŋo nikí̵nɨrɨ ŋweaŋe roŋáná dɨŋí̵ nií̵á nɨseainɨrɨ xwɨyí̵á mɨmeárɨnɨpaxí̵ imónɨgí̵áyí̵ne' seaimɨxɨpaxí̵ imónɨrɨ eŋo eŋagɨ nánɨ 25re seararɨŋɨnɨ, “Gorɨxo ná wonɨ onɨ negí̵ Ámɨná Jisasɨ Kiraiso neaiiŋí̵pimɨ dánɨ yeáyí̵ neayimɨxemeaŋo, xwí̵árí tí̵nɨ aŋí̵na tí̵nɨ sɨnɨ mimónɨŋánáranɨ, agwɨranɨ, ná rí̵wí̵yo ínínáranɨ, nikí̵nɨrɨ ŋwearɨ aga seáyɨ e'mɨ imónɨŋo imónɨrɨ eŋí̵ eánɨŋí̵ imónɨrɨ ne'ní̵ tí̵gí̵áyo nɨyonɨ seáyɨ e wimónɨrɨ eŋo, ayí̵ ná wonɨ onɨ eŋagɨ nánɨ seáyɨ e ume'wanɨgɨnɨ.” seararɨŋɨnɨ. “E e'wanɨgɨnɨ.” nimónarɨnɨ.